ABŞ məşhur Çin şirkətlərinin avadanlıqlarının idxalına və satışına qadağa qoyub

ABŞ-ın Federal Rabitə Komissiyası Çindən Huawei, ZTE, Hytera və bir sıra digər şirkətlərin istehsalı olan telekommunikasiya avadanlığının ölkəyə gətirilməsini və satışını qadağan edib.

Bu barədə “Report” “İnterfax”a istinadən xəbər verir.

Qadağa tətəbiq edilən avadanlıq və xidmətlərin siyahısına hazırda “Huawei Technologies”, “ZTE Corporation”, “Hytera Communications”, “Hangzhou Hikvision Digital Technology”, “Dahua Technology” və onların törəmə və filialları tərəfindən istehsal olunan rabitə məhsulları daxildir.

Qeyd olunub ki, bu avadanlıqlar ABŞ-ın milli təhlükəsizliyi üçün qəbuledilməz risk yaradır.