Azərbaycan millisi Çili ilə heç-heçə edib

Bakıda keçirilən çövkən üzrə II dünya çempionatında Azərbaycan və Çili milli komandaları üz-üzə gəlib.

Bu barədə "Report"a Dövlət Sərhəd Xidmətindən (DSX) məlumat verilib.

Qarşılaşma gərgin və maraqlı idman mübarizəsi ilə yadda qalıb. Hər iki komanda etibarlı oyun nümayiş etdirsə də, görüşdə hesab açılmayıb.

Beləliklə, Azərbaycan və Çili yığmaları arasındakı oyun 0:0 hesablı heç-heçə ilə başa çatıb. Nəticədə komandalar turnir cədvəlinə hərəyə 1 xal əlavə ediblər.

Azərbaycan millisi Çili ilə heç-heçə edib