Yuxarı
    Bağlamaq

    İsveçrənin qatar istehsalçısı ümidini Azərbaycana bağlayıb

    Stadler-Minsk sata bilmədiyi qatarlar üçün müştəri axtarır

    Bakı. 2 avqust.REPORT.AZ/ İsveçrənin qatar istehsalı sahəsində ixtisaslaşmış "Stadler" şirkətinin Belarusdakı nümayəndəliyi Gürcüstan və Azərbaycanda yeni alıcılar axtarır.

    "Report" Belarus mətbuatına istinadən xəbər verir ki, "Stadler - Minsk" Rusiyanın "Aeroekspress" şirkətinə sata bilmədiyi 4 qatar üçün iki ölkəni alıcı qismində nəzərdən keçirir. 

    Şirkətin direktoru Filipp Brunner bildirib ki, Rusiya rublunun dəyərdən düşməsi "Aeroekspress"i sifarişini nəzərə çarpacaq dərəcədə azaltmağa vadar edib: "Aeroekspress"ə 11 ədəd ikimərtəbəli qatar tədarük edilib. Bu, 44 vaqon olmaqla, 4 və 6 vaqon heyətindən ibarət nəqliyyat vasitələridir. Doqquz ədədi Belarusda yığılan qatar Rusiyada artıq sertifikasiyadan keçib. Daha 4 ədədi isə Fanipolda zavodda qalıb. Hazırda onlar üçün alıcı axtarırıq. Ümid edirik ki, qatarlar Azərbaycan və ya Gürcüstanın diqqətini çəkə bilər. Çünki bu ölkələrdə qeyd edilən nəqliyyat vasitələrinin xüsusiyyətlərinə bənzər ikimərtəbəli qatarlar istismar olunur. Bu, ən əlverişli variant ola bilərdi". 

    Xatırladaq ki, "Stadler - Minsk" və "Aeroekspress" 2014-cü ildə dəyəri 381 mln. avro həcmində 25 qatarın (118 vaqonluq) alınmasına dair müqavilə imzalayıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi