Yuxarı

Azərbaycanda əhalinin növbəti siyahıya alınması baş tutub - VİDEO

​Azərbaycanda əhalinin növbəti siyahıya alınması baş tutub

Oktyabrın 1-dən 10-na qədər Azərbaycanda əhalinin növbəti siyahıya alınması həyata keçirilib.

Hər 10 ildən bir baş tutan bu prosesdə sorğu anketlərini dolduranlardan biri də Prezident İlham Əliyev olub.

Dövlət Statistika Komitəsinin (DSK) sədri Tahir Budaqovun "Report"a verdiyi məlumata görə, bu məqsədlə 42 844 nəfərlə xidməti müqavilə imzalanıb.

Komitənin mətbuat katibi Elməddin Quliyev isə "Report"a açıqlamasında bildirib ki, siyahıyaalmada ölkə vətəndaşları fəal iştirak edib. Onun sözlərinə görə, prosesin keyfiyyətini yoxlamaq üçün oktyabrın 15-nə qədər yoxlama tədbirləri həyata keçiriləcək: “Təlimatçı-nəzarətçi və sayıcılar nəzarət gəzişləri həyata keçirəcək, seçmə qaydada sayıcının işinin keyfiyyətinin yoxlanılması ilə yanaşı, evdə tapılmayan şəxslərin ünvanlarına bir daha baş çəkiləcək”.

DSK-nın Siyahıyaalma qrupunun rəhbəri Azad Abbasəliyev isə "Report"a açıqlamasında sözügedən prosesin tam baş tutduğunu qeyd edib. Onun sözlərinə görə, bu məqsədlə yaradılan qaynar xəttə cəmi 36 müraciət daxil olub.

Paytaxtda keçirdiyimiz sorğu zamanı da insanların böyük əksəriyyəti sıyahiyaalmada iştirak etdiyini, bir qismi isə evdə olmaması səbəbindən iştirak edə bilmədiyini qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi