Yuxarı

"Yarımçıq xatirələr" bədii filminin təqdimatı olub

Mərasimdə mədəniyyət və turizm naziri Əbülfəs Qarayev iştirak edib

Bakı. 9 may. REPORT.AZ/ Bu gün Nizami Kino Mərkəzində Cəfər Cabbarlı adına "Azərbaycanfilm" Kinostudiyasında dövlət sifarişi ilə ekranlaşdırılan "Yarımçıq xatirələr" adlı tammetrajlı bədii filmin təqdimat mərasimi keçirilib.

"Report" xəbər verir ki, Elxan Cəfərovun rejissorluq etdiyi filmin əsas hissəsinin çəkilişləri Belarusun Brest, Minsk şəhərlərində və Vileyka qəsəbəsində aparılıb.

Film II Dünya müharibəsində faşizm üzərində qələbənin 70 illiyinə həsr olunub və bu səbəbdən 9 May tarixində nümayişi təsadüfi deyil.

Təqdimat mərasimində mədəniyyət və turizm naziri Əbülfəs Qarayev, həmçinin Müdafiə və Daxili İşlər nazirliklərinin nümayəndələri, Ombudsman Elmira Süleymanova iştirak edib.

Ekran əsərinin ssenari müəllifləri Yuri Vorobyov və Yavər Rzayev, rejissoru Elxan Cəfərov, quruluşçu operatoru Nadir Mehdiyev, prodüsseri Müşfiq Hətəmov, bəstəkarı isə Polad Bülbüloğludur. Filmdə baş rolu Pantomima Teatrının aktyoru Bəhruz Vaqifoğlu canlandırır.

Filmin iki süjet xətti var. Belə ki, əvvəllər Böyük Vətən müharibəsində iştirak etmiş əsgər illər sonra Qarabağ müharibəsində düşmənə qarşı aparılan mübarizəyə qoşulur.

Bədii filmdə digər rolları Qurban İsmayılov, Şamil Məhərrəmov, Gülzar Qurbanova və s. aktyorlar ifa edirlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi