Heydər Əliyev Mərkəzində dirijor Alvize Kazellatinin rəhbərliyi ilə konsert olacaq

Bakı. 2 oktyabr. REPORT.AZ/ Heydər Əliyev Mərkəzində tanınmış italiyalı dirijor Alvize Kazellatinin rəhbərliyi ilə konsert proqramı təqdim olunacaq.

Mərkəzdən "Report"a verilən məlumata görə, oktyabrın 5-də baş tutacaq konsertdə Üzeyir Hacıbəyli adına Azərbaycan Dövlət Simfonik Orkestri çıxış edəcək.

Tamaşaçılara görkəmli bəstəkarlar Volfqanq Amadey Motsart və Antonin Dvorjakın əsərləri təqdim olunacaq.

Azərbaycanın xalq artisti, pianoçu Murad Adıgözəlzadə konsertdə solist olaraq çıxış edəcək.