Azərbaycanda startap turuna 2 min nəfərdən artıq şəxs qatılıb

Bakı. 26 oktyabr. REPORT.AZ/ “Azərbaycanın 8 regionunda keçirilən startap turunda, ümumilikdə, 2 min nəfərdən artıq şəxs, 16 universitet və 75 komanda iştirak edib”.

"Report" xəbər verir ki, bunu "İdeyadan Biznesə" startap turunun finalında çıxış edən nəqliyyat, rabitə və yüksək texnologiyalar naziri Ramin Quluzadə deyib.

O həmçinin bildirib ki, Azərbaycanda startapçı hərəkatının genişlənməsi lazımdır. Nazir yeni yaradılan İnvestorlar Klubunun Azərbaycanda innovasiyaların inkişafına töhfə verəcəyinə ümidvar olduğunu qeyd edib.