​Azərbaycan və Türkiyə müdafiə nazirlərinin görüşü keçirilib

​Azərbaycan və Türkiyə müdafiə nazirlərinin görüşü keçirilib Zakir Həsənov və İsmət Yılmaz iki ölkə arasında hərbi əməkdaşlığın daim inkişaf etdiyini vurğulayıblar
Hərbi
17 Dekabr , 2015 13:51
​Azərbaycan və Türkiyə müdafiə nazirlərinin görüşü keçirilib

Bakı. 17 dekabr. REPORT.AZ/ İstanbulda Azərbaycanın müdafiə naziri general-polkovnik Zakir Həsənovla Türkiyənin milli müdafiə naziri cənab İsmət Yılmaz arasında görüş keçirilib.

Müdafiə Nazirliyinin mətbuat xidmətindən "Report"a verilən məlumata görə, nümayəndə heyətlərinin iştirakı ilə keçirilən görüşdə müdafiə nazirləri iki ölkə arasında hərbi əməkdaşlığın daim inkişaf etdiyini, strateji tərəfdaşlığın dostluq və qardaşlıq münasibətləri üzərində qurulduğunu qeyd ediblər.

Tərəflər bu günlərdə Bakıda keçirilən Azərbaycan-Türkiyə 8-ci Yüksək Səviyyəli Hərbi Dialoq İclasının nəticələrini əks etdirən yekun Protokolunun imzalanmasını da xüsusi qeyd edərək iki ölkənin Silahlı Qüvvələr arasında əlaqələrin inkişaf perspektivləri, hərbi, hərbi-texniki və hərbi təhsil sahələrində əməkdaşlığın imkanları, birgə təlimlərin keçirilməsi, o cümlədən regional və qarşılıqlı tərəfdaşlığa dair bir sıra məsələlər barədə müzakirələr aparıblar.