Azərbaycan Müdafiə Nazirliyi Ermənistan hərbi helikopterinin məhv edilməsi anının görüntülərini yayıb

Bakı. 12 noyabr. REPORT.AZ/ Azərbaycan Müdafiə Nazirliyi cəbhə bölgəsində Ermənistanın hərbi helikopterinin məhv edilməsi anlarını özündə əks etdirən görüntüləri yayıb. "Report"un Nazirliyin mətbuat xidmətinə istinadən verdiyi xəbərə görə, noyabrın 12-də cəbhənin Ağdam rayonu istiqamətində Ermənistan Respublikasının Hərbi Hava Qüvvələrinə məxsus döyüş cütlüyündən ibarət Mi-24 tipli helikopterləri müdafiənin ön xəttində yerləşən mövqelərimizə hücum edərək atəşə tutublar.

Cavab atəşi ilə düşmənin döyüş cütlüyündən ibarət helikopterlərindən biri vurulub, digəri isə atəş zonasını tərk etməyə məcbur olub.