Yevlaxda avtomobil qəzası olub, ölən və xəsarət alan var

Yevlax şəhərində avtomobillər toqquşub, ölən və xəsarət alan var.

"Report"un Qərb bürosunun məlumatına görə, "Mercedes" və "VAZ" markalı avtomobillərin toqquşması nəticəsində Yevlax rayon sakini, 1962-ci il təvəllüdlü Elzamin Məmmədov ölüb.

Qəza zamanı habelə Yevlax rayon sakini, 1986-cı il təvəllüdlü Sənan Mirzəyev isə müxtəlif xəsarətlər alıb. Yaralı xəstəxanaya yerləşdirilib.

Faktla bağlı araşdırmalara başlanılıb.