Yevlaxda 22 yaşlı arvadını boğaraq öldürən şəxslə bağlı cinayət işi başlanıb - YENİLƏNİB

Yevlaxda 22 yaşlı arvadını boğaraq öldürən şəxslə bağlı cinayət işi başlanıb - YENİLƏNİB Noyabrın 18-də səhər saatlarında Yevlax rayonunda 2000-ci il təvəllüdlü Nuridə Salmanovanın ölümü ilə rayon polis şöbəsinə məlumat daxil olub.
Hadisə
19 Noyabr , 2022 10:11
Yevlaxda 22 yaşlı arvadını boğaraq öldürən şəxslə bağlı cinayət işi başlanıb - YENİLƏNİB

Yevlax rayonunda 22 yaşlı həyat yoldaşını boğaraq qətlə yetirən şəxslə bağlı cinayət işi başlanıb.

Bu barədə "Report"a Yevlax Rayon Prokurorluğundan məlumat verilib. 

Bildirilib ki, noyabrın 19-u saat 6 radələrində 2000-ci il təvəllüdlü Nuridə Salmanovanın öldürülməsi barədə rayon prokurorluğuna məlumat daxil olub. Aparılmış araşdırmalarla zərərçəkmişin əri, 1993-cü il təvəllüdlü Anar Salmanovun şəxsi münasibətlər zəminində aralarında yaranmış münaqişə zamanı ip vasitəsilə Nuridə Salmanovanı boğaraq qəsdən öldürməsinə əsaslı şübhələr müəyyən edilib.

Faktla bağlı Yevlax Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Anar Salmanov şübhəli şəxs qismində tutularaq istintaqa cəlb edilib.

İş üzrə istintaq davam edir.

07:32

Noyabrın 19-da səhər saatlarında Yevlax rayonunda 2000-ci il təvəllüdlü Nuridə Salmanovanın ölümü ilə rayon polis şöbəsinə məlumat daxil olub.

Daxili İşlər Nazirliyinin Mətbuat Xidmətindən "Report"a bildirilib ki, araşdırmalarla 1993-cü il təvəllüdlü Anar Salmanovun həyat yoldaşını qısqanclıq zəminində aralarında yaranan mübahisə zamanı N.Salmanovanı iplə boğaraq onu qəsdən öldürməsinə əsaslı şübhələr müəyyən edilib.

Polis əməkdaşlarının keçirdiyi tədbirlərlə əməli törətməkdə şübhəli bilinən A.Salmanov saxlanılaraq istintaqa verilib.

Araşdırmalar davam etdirirlir.

Son xəbərlər

Orphus sistemi