Ucarda usta yıxılaraq xəsarət aldı - FOTO

Ucar sakini usta kimi işlədiyi evin tavanından yıxılaraq xəsarət alıb.

“Report”un Yuxarı Şirvan bürosu xəbər verir ki, hadisə rayonun Bərgüşad kəndində qeydə alınıb.

Belə ki, 1966-cı il təvəllüdlü Zahidov Həsənqulu Həsən oğlu həmkəndlisinin evinin tavanında usta kimi işləyərkən ayağı büdrəyərək yıxılıb. 

Ağır xəsarət alan yaralı ətrafdakı insanların köməyi ilə Kürdəmir Mərkəzi Rayon Xəstəxanasının travmatologiya şöbəsinə aparılıb.

Həkimlər xəstəyə sol ayağının sınığı, baş nahiyəsinin əzilmiş cırılmış yarası diaqnozu qoyublar. Faktla bağlı araşdırma aparılır.