Ucarda yanğın zamanı 3 min ədəd toyuq-cücə yanaraq tələf olub - VİDEO

Ucar rayonunda baş verən yanğın zamanı 3 min ədəd toyu-cücə yanaraq tələf olub.

"Report"un Yuxarı Şirvan bürosunun məlumatına görə, hadisə rayonun "29-cu məhəllə" adlanan ərazisində qeydə alınıb. 

Belə ki, rayon sakini, 1988-ci il təvəllüdlü Səməd Vahid oğlu Əşrəfova məxsus həyətyanı sahədə, olan ümumi sahəsi 134 kvadratmetrlik toyuq-cücə saxlamaq üçün nəzərdə tutulan tikilidə yanğın baş verib. Yanğın zamanı binanın 100 kvadratmetri və içərisində olan 3000 ədəd toyuq-cücə yanaraq tələf olub. 

Hadisə yerinə yanğınsöndürənlər cəlb olunub. 

Faktla bağlı araşdırma aparılır.