Tərtərdə özünü asaraq intihara cəhd edən şəxs xilas olunub

Bakı. 19 noyabr. REPORT.AZ/ Tərtər rayonunda özünü asaraq intihara cəhd edən şəxs xilas olunub. "Report" xəbər verir ki, rayonun Mamırlı kənd sakini 55 yaşlı Səfərov Mürşüt Rafiq oğlu özünü yaşadığı evin həyətindəki tövlədə asıb.

Mürşüt Səfərovun yaxınları hadisədən tez xəbər tutublar və onu xilas ediblər. İntihara cəhd edən şəxs Bərdə Rayon Mərkəzi xəstəxanasına çatdırılıb. Vəziyyəti ağır olduğu üçün reanimasiya şöbəsinə yerləşdirilib.

M.Səfərovun intihara cəhd etməsinin səbəbləri araşdırılır.