​Sumqayıtda azyaşlı cərəyan vurması nəticəsində vəfat edib

Bakı. 17 may. REPORT.AZ/ Axşam saatlarında Sumqayıt şəhərində bədbəxt hadisə baş verib.

"Report" Fövqəladə Hallar Nazirliyinə (FHN) istinadən xəbər verir ki, qurumun “112” qaynar telefon xəttinə daxil olmuş məlumata əsasən, 2010-cu il təvəllüdlü Şahmuradov Murad Vüqar oğlu yüksək gərginlikli elektrik şitinin qapısının açıq olması səbəbindən içəriyə daxil olub və cərəyan vurması nəticəsində vəfat edib.

FHN-in xilasetmə qüvvələri hadisə yerinə cəlb olunub. Xilasedicilər şitin içərisinə daxil olub M.Şahmuradovun cəsədini çıxarıb aidiyyəti üzrə təhvil veriblər.