Bakı-Sumqayıt qatarının hərəkətində yaranmış problemin səbəbi məlum olub - YENİLƏNİB

İlk xəbər saat 09:07-də verilib

Bakı. 11 fevral. REPORT.AZ/ Sumqayıt-Bakı qatarının hərəkətində problem yaranıb.

"Report" xəbər verir ki, bu gün səhər saat 08:00-da Sumqayıt Dəmiryolu Stansiyasından çıxmalı olan qatarda texniki nasazlıq yaranıb.

Texniki nasazlıq səbəbindən bu qatarın hərəkət etməyəcəyi barədə sərnişinlərə məlumat verilib.

Sərnişinlər 08:48-də başqa qatarla Bakıda yola salınıblar. 

"Azərbaycan Dəmir Yolları" Qapalı Səhmdar Cəmiyyətinin İctimaiyyətlə əlaqələr şöbəsinin rəisi Sevinc Qədirova “Report”a faktı təsdiqləyib. O bildirib ki, Bakı-Sumqayıt-Bakı marşrutu ilə işləyən saat 08:00-da Sumqayıt sərnişin stansiyasından yola düşməli olan 6008 №-li elektrik qatarı texniki nasazlıq səbəbindən yola düşməyib. Onun sözlərinə görə, hazırda nasazlığın səbəbləri araşdırılır.

"Marştut üzrə işləyən digər qatarlar hərəkət cədvəlinə uyğun olaraq yola salınıb. Bilet alan sərnişinlərin hamısı növbəti qatarla yola salınıb", - S.Qədirova vurğulayıb.