Bakı. 9 avqust. REPORT.AZ/ Şirvan şəhərində quldurluq edərək 5 min manat və 970 ABŞ dolları pul, habelə qızıl aparan şəxs tutulub.
Daxili İşlər Nazirliyindən "Report"a verilən məlumata görə, Şirvan Şəhər Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində ötən il oktyabrın 30-da şəhər sakini Vəli Ələkbərova məxsus evdən quldurluq yolu ilə 5 min manat və 970 ABŞ dolları pul, habelə qızıl əşyalar aparmaqda şübhəli bilinən həmyerliləri Fəxrəddin Şükürov tutulub, daha 2 nəfər isə müəyyən edilib.
Ətrafında aparılmış əməliyyat tədbirləri ilə onların iyunun 3-də Sudşa Bəylərovaya məxsus evdən quldurluq yolu ilə 10 min manat dəyərində qızıl əşyalar aparmaları da müəyyən edilib.
Faktlarla bağlı araşdırma aparılır.