Şəkidə bıçaqlanma hadisəsi baş verib

Bakı. 4 İyul. REPORT.AZ/ Şəki şəhərində bıçaqlanma hadisəsi baş verib.

"Report" xəbər verir ki, Şəki şəhəri, Heydər Əliyev küçəsi, ev 25-də yaşayan 26 yaşlı Əliyev Tərlan Kamil oğlu naməlum şəraitdə və adı hələ məlum olmayan şəxs tərəfindən bıçaqlanıb.

Zərərçəkən Şəki Rayon Mərkəzi Xəstəxanasına çatdırılıb. Onun üzərində cərrahiyə əməliyyatı aparılıb.

Hazırda Şəki şəhər Polis şöbəsinin əməkdaşları cinayəti törədən şəxsin axtarışlarını həyata keçirir.