Şəmkirdə ölümlə nəticələnən yol qəzası baş verib

Bakı. 17 sentyabr. REPORT.AZ/ Şəmkir rayonunda ölümlə nəticələnən yol-nəqliyyat hadisəsi baş verib. "Report"  xəbər verir ki, hadisə rayonun Kür qəsəbəsi ərazisində qeydə alınıb. 

Belə ki, həmin qəsəbənin sakini Anar Bayramov idarə etdiyi "QAZ-31105" markalı avtomobillə hərəkətdə olarkən idarəetməni itirib və avtomobili aşırıb. Nəticədə sürücü A.Bayramov hadisə yerində ölüb. 

Faktla bağlı Şəmkir Rayon Polis Şöbəsi (RPŞ) tərəfindən araşdırma aparılır.