Şəmkirdə iki yol qəzası nəticəsində 5 nəfər xəsarət alıb

Şəmkir. 24 avqust. REPORT.AZ/ Şəmkir rayonunda 5 nəfərin xəsarət alması ilə nəticələnən yol-nəqliyyat hadisəsi baş verib.

"Report"un Qərb bürosunun məlumatına görə, ilk hadisə rayonun Zəyyəm qəsəbəsində qeydə alınıb.

Mikroavtobusun idarəetmədən çıxaraq aşması nəticəsində 2 nəfər yaralanıb. Onlardan birinin vəziyyətinin ağır olduğu bildirilir.

Digər hadisə isə Dəllər Cəyir kəndində yerləşən körpüdə baş verib. İdarəetmədən çıxan "VAZ" markalı avtomobilin başqa avtomobillə toqquşması nəticəsində yaşlı qadın və iki nəvəsi xəsarət alıb. Xəsarət alanlar yaxınlıqdan keçən şəxslər tərəfindən xəstəxanaya aparılıblar.

Hər iki faktla bağlı araşdırma aparılır.