Şamaxı rayonununda ağır xəsarətlə nəticələnən yol-nəqliyyat hadisəsi baş verib.
"Report"un məlumatına görə, hadisə Pirqulu kəndində, dağlıq ərazidə qeydə alınıb. Belə ki, 24 yaşlı sürücü Mirzəyev Ceyhun Firudin oğlu avtomobilə idarəetməni itirib. Nəticədə nəqliyyat vasitəsi dərəyə aşıb.
Ağır xəsarətlər alan yaralı Bakıda yerləşən 1 saylı şəhər Klinik Xəstəxanasına çatdırılıb. Müayinə zamanı ona L2 fəqərəsinin (bel-red) sınığı diaqnozu qoyulub.
Hadisənin təfərrüatı araşdırılır.