Salyan. 13 avqust. REPORT.AZ/ Salyan rayonunda yol qəzasında xəsarət alan sürücü xəstəxanada ölüb.
"Report"un Aran bürosu xəbər verir ki, rayonun Qaraçal qəsəbəsinin ərazisində, qəsəbə sakini, 1969-cu il təvəllüdlü Elxan Ələddin oğlu Baxşıyev idarə etdiyi "VAZ-2107" markalı avtomobillə hərəkətdə olan zaman "Toyota" markalı avtomobillə toqquşub. Ağır bədən xəsarətləri alan sürücü E.Baxşıyev yerləşdirildiyi Şirvan Şəhər Mərkəzi Xəstəxanasında ölüb.
Faktla bağlı araşdırmalar davam etdirilir.
***16:17
Salyan. 13 avqust. REPORT.AZ/ Salyan rayonunda ağır yol-nəqliyyat hadisəsi baş verib.
"Report"un Aran bürosu xəbər verir ki, hadisə Salyan-Şirvan avtomobil yolunun rayonun Qaraçala qəsəbəsi ərazisində qeydə alınıb.
Belə ki, qəsəbə sakini, 1969-cu il təvəllüdlü Elxan Ələddin oğlu Baxşıyev idarə etdiyi "VAZ-2107" markalı avtomobillə hərəkətdə olan zaman "Toyota" markalı avtomobillə toqquşub.
Nəticədə ağır bədən xəsarətləri alan "VAZ-2107"nin sürücüsü, E.Baxşıyev müxtəlif dərəcəli bədən xəsarətləri alıb. Yaralı Şirvan Şəhər Mərkəzi Xəstəxanasına yerləşdirilib. Onun vəziyyətinin ağır olduğu bildirilir.
Faktla bağlı araşdırmalara başlanlıb.