Yuxarı

​Salyanda rayon sakinindən avtomat götürülüb

Hazırda onun silahı hardan əldə etdiyi araşdırılır

Salyan. 21 iyul. REPORT.AZ/ Salyan sakinindən avtomat silahı götürülüb.

“Report”un Aran bürosu xəbər verir ki, daxil olmuş məlumat əsasında Salyan rayon Polis şöbəsinin əməkdaşları tərəfindən əməliyyat-axtarış tədbirləri həyata keçirilib.

Əməliyyat zamanı Salyan şəhəri, Təbriz Xəlilbəyli küçəsi, ev 89-da yaşayan 67 yaşlı Azər Əsəd oğlu Əsədov şübhəli şəxs qismində saxlanılıb. Onun evinə baxış keçirilən zaman 1 ədəd “Kalaşnikov” markalı avtomat silahı, 2 ədəd avtomat darağı və 100 ədədə yaxın avtomat gülləsi aşkar edilərək götürülüb.

Hazırda Polis şöbəsində Azər Əsədovun silahı hardan əldə etməsi istiqamətində işlər davam etdirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi