Yuxarı

​Salyanda güclü külək əhalini işıqsız qoyub

Nəhəng qovaq ağacı elektrik dirəyinin üzərinə düşərək naqilləri sıradan çıxarıb

Bakı. 18 noyabr. REPORT.AZ/ Güclü külək Salyan şəhərinin bir hissəsini işıqsız qoyub.

"Report" xəbər verir ki, saat 17:30 radələrində 10-15 dəqiqəlik əsən güclü külək şəhərin Təbriz Xəlilbəyli küçəsindəki "Şelli" məscidi yaxınlığındakı nəhəng qovaq ağacını kökündən qoparıb.

Nəticədə ağac elektrik dirəyinin üzərinə düşərək naqilləri sıradan çıxarıb ki, bu da şəhərin Heydər Əliyev prospekti, Əliağa Kürçaylı, Təbriz Xəlilbəyli, Nəriman Nərimanov, Əli bəy Hüseynzadə, Yunis Zərgərli və daha 4 küçəsinin əhalisinin işıqsız qalmasına gətirib çıxarıb.

Sözügedən ağac kəsilərək küçədən yığışdırılıb. Elektrik dirəyi və naqillər axşam saat 22:23 radələrində bərpa edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi