Bakı. 14 yanvar. REPORT.AZ/ Salyan rayonunda fərdi yaşayış evində yanğın olub.
"Report" Fövqəladə Hallar Nazirliyinə (FHN) istinadən xəbər verir ki, vətəndaşa məxsus ümumi sahəsi 63 kv.m olan birmərtəbəli 2 otaq və aynabənddən ibarət evin 1 otağının aynabəndinin yanar konstruksiyaları və dam örtüyü 43 kv.m sahədə yanıb. Evin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.