Salyanda sürücü avtomobilin altında qalaraq ölüb

Salyanda baş verən yol qəzasında sürücü dünyasını dəyişib.

“Report”un Aran bürosunun məlumatına görə, hadisə Ələt-Astara magistral yolunda, “Yolüstü” istirahət mərkəzinin yaxınlığında qeydə alınıb.

Belə ki, 1959-cu il təvəllüdlü Quliyev Sədrəddin Mirzağa oğlu idarə etdiyi minik avtomobil ilə hərəkətdə olarkən anidən idarəetmədən çıxaraq yolun kənarına aşıb.

Qəza nəticəsində sürücü yüngül xəsarətlə ötüşüb. Bundan sonra hadisə yerinə gələn evakuator avtomobili yedəyinə çəkərkən tros qırılıb və sürücüyə dəyərək öldürüb.

Faktla bağlı araşdırma aparılır.