Şabranda yeniyetməni avtomobil vuraraq öldürüb

Şabranda yeniyetməni avtomobil vuraraq öldürüb.

"Report"un Şimal bürosunun xəbərinə görə, hadisə rayonun Ağalıq kəndində qeydə alınıb.

Belə ki, "Toyota Prius" markalı avtomobil 2011-ci il təvəllüdlü Ağayev Hacıbala Davud oğlunu vurub. Nəticədə yeniyetmə aldığı xəsarətlərdən vəfat edib.

Meyit Səhiyyə Nazirliyinin Məhkəmə Tibb Ekspertizası və Patoloji Anatomiya Birliyinin Xaçmaz rayon şöbəsinə yerləşdirilib.

Faktla bağlı araşdırmalara başlanılıb.