Şabranda avtomobil qaçıran şəxs saxlanılıb

Şabran rayonunda avtomobil qaçıran şəxs saxlanılıb.

Bu barədə "Report"un Şimal bürosuna DİN Mətbuat xidmətinin Quba regional qrupundan məlumat verilib. 

Belə ki, oktyabrın 26-da saat 21 radələrində Şabran şəhəri ərazisindən şəhər sakini V.Şirinova məxsus “VAZ-21072” markalı avtomobil qaçırılıb.

Şabran Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Günəşli kənd sakini M.Rəhimov saxlanılıb.

Faktla bağlı araşdırma aparılır.