Şabran rayonunda yol-nəqliyyat hadisəsi baş verib, üç nəfər xəsarət alıb.
“Report”un Şimal burosu xəbər verir ki, hadisə Bakı-Quba yolunun Şabran rayonu Padar kəndi ərazisindən keçən hissəsində qeydə alınıb.
Beləki, "Opel" markalı minik avtomobili hərəkətdə olan vaxtı, "VAZ-2107" markalı avtomobil ötmə əməliyyatını düzgün seçmədiyindən qəza şəraiti yaradıb. Nəticədə yoldan keçən TIR "Opel" markalı avtomobilə çırpılıb.
Qəza nəticəsində Xaçmaz rayon sakinləri - 1991-ci il təvəllüdlü Ceyhun Cavanşir oglu Süleymanov, 1999-cu il təvəllüdlü Lamiyyə Alfəddin qızı Süleymanova və 2017-ci il təvəllüdlü İsmayıl Ceyhun oglu Süleymanov müxtəlif dərəcəli bədən xəsarətləri alıblar.
Xəsarət alan şəxslər Xaçmaz Rayon Mərkəzi Xəstəxanasına çatdırılıblar.
Faktla bağlı araşdırma aparılır.
![](https://static.report.az/photo/00b54789-a696-3e26-b7af-19b27b47241c_300.jpeg)
![](https://static.report.az/photo/8b82f49b-3ee1-3cb0-9105-e37796912507_300.jpeg)