Sabirabadda yol qəzasında 1 nəfər xəsarət alıb

Sabirabad. 13 yanvar. REPORT.AZ/ Sabirabad rayonunda baş verən yol-nəqliyyat hadisəsi zamanı 1 nəfər xəsarət alıb.

“Report”un Aran bürosu xəbər verir ki, hadisə rayonun Qaratəpə kəndi ərazisində qeydə alınıb.

İlkin məlumata görə, iki avtomobilin toqquşması nəticəsində müxtəlif dərəcəli bədən xəsarətləri alan 1981-ci il təvəllüdlü Qaratəpə kənd sakini Məhərrəmov Elmir Oqtay oğlu Sabirabad Rayon Mərkəzi Xəstəxanasına yerləşdirilib.

Faktla bağlı araşdırma aparılır.

Daha əvvəl Cəlilabad rayonunda xəsarətlə nəticələnən yol qəzası baş verib.