Yuxarı

Qusarda rabitə işçisi dirəkdən yıxılaraq ölüb, onun həyat yoldaşı komaya düşüb - FOTO

Zeybulla Mahmudov xəstəxanaya çatdırılsa da, onun həyatını xilas etmək mümkün olmayıb

Bakı. 8 fevral. REPORT.AZ/ Qusarda bədbəxt hadisə baş verib. "Report" xəbər verir ki, Qusar Rayon Rabitə və Telekommunikasiya Qovşağında rabitə mantyoru işləyən 1956-ci il təvəllüdlü Zeybulla Həbib oğlu Mahmudov Qusarın Ləyər kəndində rabitə dirəyindən yıxılıb.

Qusar Rayon Mərkəzi Xəstəxanasından (RMX)  "Report"a verilən məlumata görə, rabitə dirəyindən yıxılan Z.Mahmudov daxili qanaxma ilə xəstəxanaya çatdırılıb. Ancaq vəziyyəti ağır olduğundan, paytaxt xəstəxanasına göndərilib. Lakin Bakıda onun həyatını xilas etmək mümkün olmayıb. Hadisədən sonra Z.Mahmudovun həyat yoldaşı komaya düşüb və Qusar RMX-nın Reanimasiya şöbəsinə yerləşdirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi