Qəbələdə 20 gün əvvəl itkin düşən kişi Bakıda tapılıb

Qəbələdə 20 gün əvvəl itkin düşən kişi Bakıda tapılıb.

"Report"un Şimal-qərb bürosunun məlumatına görə, 30 yaşlı Elmin Firidun oğlu Hümbətov polis əməkdaşlarının keçirdikləri tədbirlərlə Bakı şəhərində tapılaraq ailəsinə təhvil verilib.

DİN-in Mətbuat Xidmətinin Şəki regional qrupundan faktı "Report"un yerli bürosuna təsdiq ediblər.

Qeyd edək ki, Qəbələ rayonunun Daşca kənd sakini, 1994-cü il təvəllüdlü Elmin Firidun oğlu Hümbətov mayın 14-də yaşadığı ünvandan çıxaraq naməlum istiqamətdə gedib və bir daha geri qayıtmayıb.