Bakı. 23 may.
"Report"un xəbərinə görə, hakim Samir Əliyevin sədrliyi ilə keçirilən prosesdə dövlət ittihamçısı çıxış edib.
Prokuror çıxışında Xəyyam Səlimxanovun 7 il, Murad Həsrətovun 7 il, Tunar Nağızadənin 7 il, Emin Əliyevin 6 il, İlham Ramazanovun isə 2 il müddətinə azadlıqdan məhrum edilməsini istəyib.
Vəkillər müdafiə çıxışı üçün vaxt istəyib. Məhkəmə prosesi mayın 30-da davam etdiriləcək.
Qeyd edək ki, hadisə ötən il yanvarın 7-də Nərimanov rayonu Fətəli zan Xoyski küçəsi 134 ünvanında yerləşən "Nənəmin Təndiri" restoranının yaxınlığında baş verib.
Belə ki, əraziyə toplaşan şəxslərin mübahisəsi zamanı odlu silahlardan istifadə olunub.
İlkin məlumata görə, hadisə zamanı xəsarət alan olmayıb. Hüquq mühafizə orqanlarının əməkdaşları hadisə yerində araşdırma aparan zaman "Makarov" tipli tapançaya məxsus gilizlər aşkar ediblər.
Daha sonra X.Səfixanov, M.Həsrətov, T.Nağızadə, E.Əliyev və İ.Ramazanov saxlanılaraq barələrində məhkəmə qərarı ilə həbs qətimkan tədbiri seçilib.
Həmin şəxslər Cinayət Məcəlləsinin 221.1-ci (xuliqanlıq) 234-cü (narkotik) maddəsi ilə ittiham olunurlar.
Xatırladaq ki, Xəyyam Səfixanov universal-döyüş və digər idman növü üzrə dünya və Avropa çempionu olub.