Oğuzda qəza oldu, xəsarət alanlar var - YENİLƏNİB

Oğuz rayonunda baş verən yol qəzası zamanı xəsarət alan şəxslərin adalrı məlum olub. 

"Report"un yerli bürosu xəbər verir ki, hadisə zamanı 4 nəfər, Oğuz rayon sakinləri Qəmbərov Adil Hikmət oğlu, Hüseynov Rəsul Ədalət oğlu, Vəliyev Kərim Mehman oğlu və Cabbarov Mirheydər Əlövsət oğlu müxtəlif müxtəlif dərəcəli bədən xəsarətləri alıblar. Hadisə yerinə hüquq-mühafizə orqanlarının əməkdaşları və Təcili Tibbi yardım Stansiyasının həkimləri cəlb olunub. Yaralılar xəstəxanaya çatdırılıblar.

*** 07:23

Oğuz rayonunda xəsarətlə nəticələnən yol qəzası baş verib.

"Report"un Şimal-qərb bürosunun məlumatına görə, hadisə günorta saatlarında İsmayıllı-Qaraməryəm-Şəki yolunun rayonun Bucaq kəndi ərazisində keçən hissəsində qeydə alınıb.

Belə ki, "Changan" və "UAZ" markalı minik avtomobillərinin toqquşması nəticəsində 2 nəfər xəsarət alıb. Yaralılardan birinə hadisə yerində tibbi yardım göstərilib, digər şəxs isə Oğuz Rayon Mərkəzi Xəstəxanasına çatdırılıb.

Faktla bağlı araşdırma aparılır.