Oğuz sakini bibisini döyüb

Oğuz rayonunda 52 yaşlı qadın qardaşı oğlu tərəfindən döyülüb.

"Report"un Şimal-qərb bürosunun məlumatına görə, bu gün axşam saatlarında Oğuz Rayon Mərkəzi Xəstəxanasına müxtəlif dərəcəli bədən xəsarətləri ilə rayonun Yemişənli kənd sakini, 1968-ci il təvəllüdlü Gövhər İbad qızı Mirzəyeva gətirilib.

Müayinə zamanı onun baş nahiyəsindən ağır xəsarətlər aldığı məlum olub. Vəziyyəti ağır olduğundan Bakı şəhərindəki xəstəxanalardan birinə göndərilib.

Onun qardaşı oğlu Kamran Mirzəyev tərəfindən döyüldüyü deyilir.

Faktla bağlı araşdırma aparılır.