Nəsimi rayonunda yanğın təhlükəli anbarın fəaliyyəti dayandırılıb

Bakı şəhəri, Nəsimi rayonu, Tbilisi prospektində avtomobil şinlərinin satışı anbarında keçirilən yoxlama zamanı yanğın təhlükəsizliyi sahəsində bir sıra nöqsanlar aşkar edilib.

Bu barədə "Report"a Fövqəladə Hallar Nazirliyindən (FHN) məlumat verilib.

Bildirilib ki, obyektdə yanğın təhlükəsizliyi norma və qaydalarının tələblərinin kobud pozulması faktları müəyyən olunub.

Satışı anbarının fəaliyyətinin dayandırılması barədə Qərar qəbul edilib və Qərarın bir nüsxəsi obyektin nümayəndəsinə təqdim edilib.