Yuxarı
    Bağlamaq

    Mingəçevirdə 6 nəfərin zəhərlənməsi ilə bağlı rəsmi açıqlama verilib - YENİLƏNİB

    Zəhərlənən şəxslərdən beş nəfərinin adı məlumdur.

    Mingəçevir.16 iyul.REPORT.AZ/ Mingəçevirdə 6 nəfərin vəziyyətinin qəfil ağırlaşması ilə bağlı Mingəçevir Mərkəzi Xəstəxanasının baş həkimi İlham Mayılov açıqlama verib.

    "Report"un Şirvan bürosunun məlumatına görə, xoşagəlməz hadisə qida qəbulundan qaynaqlanıb. Mingəçevir Mərkəzi Xəstəxanasının baş həkimi İlham Mayılov 6 qohumun səhətində yaranan qəfil narahatlığın alimentik mədə pozğunluğu ilə bağlı olduğunu deyib:

    “Xoşagəlməz qida qəbulu, kəskin qastrit haqqında danışılan xəstələrdə mədə pozğunluğu yaradıb. Xəstəxanaya gətirilmiş şəxsləri təkrar-təkrar müayinə etmişik və nəticədə bu qənaətə gəmişik ki, bu anladığımız qədərincə zəhərlənmə deyil, mədə pozğunluğudur”.


    ***18:34

    Mingəçevir.16 iyul.REPORT.AZ/ Dördü azyaşlı,biri hamilə qadın olmaqla 6 nəfər yaxın qohum zəhərlənmə keçirib.

    ”Report”un Şirvan bürosu xəbər verir ki, hadisə Mingəçevirin “Şəfa” bağ massivində qeydə alınıb.Elə zəhərlənən qohumlar da bu ünvanda yaşayır. İlkin məlumata görə, bir süfrədə qarpız, yemiş, kətə yeyib “Cansu” içən qohumlar ağır zəhərlənmə keçirərək təcili xəstəxanaya çatdırılıb. Zəhərlənən şəxslərdən beş nəfərinin adı məlumdur.

    2008-ci il təvəllüdlü Mustafazadə Aytac Sadiiq qızı

    2009-cu il təvəllüdlü Mustafazadə Səbinə Sadiq qızı

    2010cu il təvəllüdlü Məmmədzadə Vüsalə Vüsal qızı

    2013-cü il təvəllüdlü MəmmədzadəUğur Vüsal oğlu

    1990-cı il təvəllüdlü Məmmədova Aytən Mismir qızı

    Azyaşlıların dördü də uşaq reanimasiya şöbəsinə yerləşdirilib. Aytən Məmmədovaya Təcili yardım şöbəsində gərəkli tibbi yardım göstərilib. Nəslin adı hələ müəyyənləşməmiş gənc hamilə gəlini isə ginekologiya şöbəsinə göndərilib. Əldə olunan məlumata görə, A.Məmmədovanın və hamilə xanımın durumu stabilləşib, uşaqların müalicəsi isə reanimasiya şöbəsində davam edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi