Meksikada avtobus qəzaya uğrayıb, 7 nəfər ölüb

Bakı. 2 mart. REPORT.AZ/ Cümə axşamı Meksikada mikroavtobusun qəzaya uğraması nəticəsində 7 nəfər ölüb, 11 nəfər yaralanıb.

“Report” RİA "Novosti"yə istinadən xəbər verir ki, bu barədə ölkənin Tlaskala ştatının Səhiyyə Nazirliyi məlumat yayıb.

Faciə Tlaskala və San-Martin-Teksmelukan şəhərlərini birləşdirən yolda baş verib.

İlkin məlumatlara görə, avtobus yüksək sürətlə hərəkət edərək yoldan çıxıb və aşıb.

Yaralılar hospitallara çatdırılıb. Onların arasında iki uşaq var.