Lənkəranda yaşayış binasından yıxılan qız sağ qalıb

Lənkəran. 20 noyabr. REPORT.AZ/ Lənkəranda yaşayış binasından yıxılan qız sağ qalıb.

"Report"un Cənub bürosunun verdiyi xəbərə görə, hadisə Şəhidlər Xiyabanı küçəsi, 12 ünvanda yerləşən binada baş verib.

Tələbə olduğu söylənilən İsgəndərova Nigar Vaqif qızı hündür mərtəbəli binadan yıxılaraq ciddi xəsarət alıb. Hadisənin hansı şəraitdə baş verdiyi hələlik məlum deyil.

N.İsgəndərovaya təcili və təxirəsalınmaz tibbi yardım stansiyasının həkimləri ilkin tibbi yardım göstərərək, onu Lənkəran Rayon Mərkəzi Xəstəxanasına çatdırıblar.