Kürdəmirdə yaş yarımlıq körpə su maşınının altında qalaraq ölüb

Kürdəmirdə yaş yarımlıq körpə su maşınının altında qalaraq ölüb.

"Report"un Yuxarı Şirvan bürosu xəbər verir ki, hadisə rayonun Yenikənd kəndində qeydə alınıb.

Belə ki, həyətyanı sahəyə içməli su gətirən "QAZ-53" markalı su maşınının sürücüsü İsgəndərov Sahib Sabir oğlu avtomobili geriyə verərkən ehtiyatsızlıq edib və 2022-ci il təvəllüdlü Bəkirov Uğur Semral oğlunun üzərindən keçib. Azyaşlı elə hadisə yerindəcə dünyasını dəyişib. Onun meyiti müayinə olunması üçün aidiyyəti üzrə təhvil verilib.

Faktla bağlı araşdırma aparılır.