Kiyevin atəşə tutulması nəticəsində 4 nəfər ölüb, 20 nəfər yaralanıb

Rusiya qoşunlarının Ukraynanın paytaxtı Kiyevi gecə atəşə tutması nəticəsində dörd nəfər ölüb, daha 20 nəfər müxtəlif xəsarətlər alıb.

“Report” xəbər verir ki, bu barədə paytaxtın meri Vitali Klıçko bildirib.

“Artıq paytaxtda dörd nəfər həlak olub. Bir neçə ərazidə axtarış-xilasetmə işləri davam edir”, – mer qeyd edib.

Onun sözlərinə görə, yaralanan 20 nəfərdən 16-sı xəstəxanaya yerləşdirilib.

Yerli KİV-ə görə, 6 iyun gecəsi Rusiya qoşunları Kiyevi dronlar və ballistik raketlərlə atəşə tutub. Yanğınlar və qəlpələrin düşməsi şəhərin azı üç rayonunda qeydə alınıb.