İsmayıllıda minik maşını çaya düşüb, yaralı sürücü xilas edilib

İsmayıl. 20 mart. REPORT.AZ/ İsmayıllı rayonunda avtomobil çaya düşüb.

“Report”un Şirvan bürosu xəbər verir ki, rayon sakini, 1976-ci il təvəllüdlü Cavid Gülağa oğlu Məhəmmədov idarə etdiyi “NAZ” markalı minik avtomobili ilə hərəkətdə olan zaman idarəetməni itirib və avtomobil çaya düşüb. 

Dövlət Yanğından Mühafizə Xidmətinin müvafiq xilasetmə qüvvələri hadisə yerinə cəlb olunub. Hadisə zamanı yaralanaraq köməksiz vəziyyətdə qalmış sürücü yanğınsöndürən-xilasedicilər tərəfindən avtomobildən çıxarılıb və aidiyyəti üzrə təhvil verilib.