Göygöldə yol qəzası olub, ölən və xəsarət alanlar var

Göygöl Olimpiya Kompleksinin yaxınlığında yol qəzası olub, ölən və xəsarət alanlar var.

"Report"un Qərb bürosunun məlumatına görə, minik avtomobilinin ağaca çırpılması nəticəsində 1990-cı il təvəllüdlü Bəsti Aslanova hadisə yerində dünyasını dəyişib. 

Qəza zamanı 1988-ci il təvəllüdlü Elmir Yusibov, 1999-cu il təvəllüdlü Bayram Hacıyev, 2007-ci il təvəllüdlü Xudayar Rəfiyev və 1997-ci il təvəllüdlü Aişə Hacıyeva xəsarət alıb. Yaralılar xəstəxanaya yerləşdirilib. 

Faktla bağlı araşdırma aparılır.