Goranboyda 2 avtomobil toqquşub, xəsarət alanlar var

Goranboy rayonunda kiçik tutumlu yük maşını ilə minik avtomobili toqquşub, xəsarət alanlar var.

"Report"un Qərb bürosunun məlumatına görə, yol-nəqliyyat hadisəsi nəticəsində 1982-ci il təvəllüdlü T.Məmmədova və 1984-cü il təvəllüdlü A.Tağıyev xəsarət alıb.

Onlardan T.Məmmədova xəstəxanaya çatdırılıb, A.Tağıyev isə ambulator müalicə alıb və xəstəxanaya getməkdən imtina edib.

Faktla bağlı araşdırma aparılır.