Gəncədə 35 yaşlı kişi özünü yük qatarının altına ataraq intihar edib - YENİLƏNİB

Gəncə şəhərində qatarın altında qalaraq ölən şəxsin adı məlum olub. 

"Report"unyerli bürosu xəbər verir ki, Gəncə şəhər sakini, 1984-cü il təvəllüdlü Sərdar Rəsulovun özünü Bakı istiqamətində hərəkətdə olan yük qatarının altına ataraq intihar etdiyi bildirilir. 

Faktla bağlı araşdırma aparılır.

*** 18:20

Gəncə şəhərində 35 yaşlı kişini qatar vuraraq öldürüb.

"Report"un Qərb bürosunun məlumatına görə, hadisə Gəncə-Zazalı dəmir yolu xəttinin Gəncə şəhər ərazisindən keçən hissəsində qeydə alınıb.

Hadisə yerinə hüquq mühafizə orqanlarının əməkdaşları və Təcili Tibbi Yardım Stansiyasının həkimləri cəlb olunub.

Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Gəncə şəhər şöbəsinə yerləşdirilib.