Yuxarı

Yol polisi Gəncədə reyd keçirib, 100-ə yaxın sürücü cərimələnib - FOTO

12 nəqliyyat vasitəsinin istismarı dayandırılaraq cərimə meydançasına aparılıb

Bakı. 16 noyabr. REPORT.AZ/ Gəncə Şəhər Baş Polis İdarəsinin Dövlət Yol Polisi İdarəsi əməkdaşları  yol hərəkəti qaydalarını pozan sürücülərə qarşı reyd keçirib. "Report"un məlumatına görə, reyd əsasən avtomobili sərxoş halda və ya sənədsiz idarəetmə, avtomobillərin konstruksiyasında qanunsuz dəyişikliyə yol vermə, əlavə səs siqnalları, işıqlar, eyni zamanda görməni məhdudlaşdıran pərdə və plyonkalardan istifadə hallarına qarşı təşkil olunub.

Şəhərin Nizami və Atatürk prospektlərində keçirilən reyd zamanı qeyd olunan qayda pozuntularına yol verən 100-ə yaxın sürücü aşkar edilib. Saxlanılan sürücülər yerində cərimə olunub və 12 nəqliyyat vasitəsi istismarı dayandırılaraq cərimə meydançasına aparılıb. Avtomobillərdə pərdə və plyonkalardan istifadəyə icazə müddəti başa çatdığından yol polisi əməkdaşları bu qaydaya əməl etməyən sürücülərə qarşı reydləri davam etdirəcək.

Xatırladaq ki, qaydalara uyğun olaraq, nəqliyyat vasitələrində pərdə və plyonkalardan istifadə müddəti mayın 1-dən noyabrın 15-nə kimidir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi