Gəncədə Cihazqayırma zavodunda yanğın olub - YENİLƏNİB

Fövqəladə Hallar Nazirliyinin “112" qaynar telefon xəttinə Gəncə Cihazqayırma Zavodunun ərazisində yanğın baş verməsi barədə məlumat daxil olub.

"Report" xəbər verir ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Yağ çəlləklərində baş vermiş yanğın yanğından mühafizə bölmələri tərəfindən qısa müddətdə söndürülüb.

19:26

Gəncədə Cihazqayırma zavodunda yanğın olub.

"Report"un Qərb bürosunun məlumatına görə, zavodun ərazisində yanacaq çənində və yaxınlığında yerə tökülən yağ yanıb.

Əraziyə Fövqəladə Hallar Nazirliyinin Gəncə şəhər Yanğından Mühafizə İdarəsinin 6 yanğınsöndürən maşını və canlı qüvvəsi cəlb olunub.

Yanğın söndürülüb, hadisə nəticəsində xəsarət alan olmadığı bildirilir.

Faktla bağlı araşdırma aparılır.