FHN: Bakıda qaz kəmərində partlayış baş verməsi nəticəsində xəsarət alan yoxdur

Bakı. 27 dekabr. REPORT.AZ/ Bakıda qaz kəmərində partlayış baş verməsi nəticəsində xəsarət alan olmayıb.

Bu barədə "Report"a Fövqəladə Hallar Nazirliyinin (FHN) mətbuat xidmətindən bildirilib.

Məlumatda bildirilib ki, hadisə qaz kəmərinin Bakı-Ələt yolunun 43-cü kilometrliyində, dağlıq ərazidən keçən hissəsində qeydə alınıb. Əraziyə FHN-in 5 yanğınsöndürən texnikası cəlb edilib.

Məlumata görə, əvvəlcə partlayış müşahidə edilib, daha sonra yanğın olub.

"Hadisə yaşayış məntəqələrinə yaxın ərazidə qeydə alınmadığından, xəsarət alan və ya təxliyyə olunan olmayıb", - FHN-dən bildirilib.

Hazırda yanğının söndürülməsi istiqamətində tədbirlər davam etdirilir.