Beyləqanda ölümlə nəticələnən ağır yol qəzası olub

Beyləqanda ölümlə nəticələnən ağır yol-nəqliyyat hadisəsi baş verib.

"Report" xəbər verir ki, 1994-cü il təvəllüdlü Səbuhi Muxtarlı idarə etdiyi "VAZ 21051" markalı avtomobillə Yuxarı Qarabağ kanalı- Daşburun yolunun Beyləqan rayonunun Mil qəsəbəsi ərazisindən keçən hissəsində hərəkətdə olan zaman idarəetməni itirərək avtomobil yolun üzərində quraşdırılmış keçid qapısının beton dirəyinə çırpılıb.

Nəticədə sürücü aldığı xəsarətlərdən Beyləqan Rayon Mərkəzi Xəstəxanasında ölüb.

Faktla bağlı Beyləqan Rayon Polis Şöbəsində cinayət işi başlanılmaqla istintaq aparılır.