DİN: "İşçi Qrupunun hüquqi statusu ilə bağlı təkliflər hökumətə təqdim olunub"

İnsan Alverinə qarşı Mübarizə üzrə Milli Koordinator yanında İşçi Qrupunun hüquqi statusu ilə bağlı təkliflərə baxılıb və hökumətə təqdim olunub.

“Report” xəbər verir ki, bunu Daxili İşlər Nazirliyinin İnsan Alverinə qarşı Mübarizə Baş İdarəsinin rəisi polis general-mayoru Həzi Aslanov deyib.

Onun sözlərinə görə, İşçi Qrupunun tərkibində aidiyyəti dövlət qurumlarının nümayəndələri təmsil olunur: "Həmin əməkdaşlar öz qurumlarında daha yüksək statusa malik olmalıdır ki, problem dərhal operativ qaydada həllini tapsın. Bu da bir daha ona dəlalət edir ki, Milli Koordinator İnstitutu yaradılıb və daha da təkmilləşdirilir".